#iran_News
Manni murtii olaanaa Iraan nama mormituu hidhame irratti murtii du’aa fi intala isaa irratti hidhaa waggaa 25 akka murteesse maddeen dhimmicha beekan Iraan Intarnaashinaalitti himaniiru.
Mormii baatii Guraandhalaa magaalaa Malaarditti geggeeffameen kan qabame Mohammad Abbaasi murtii du'aa kan itti murtaa'e yoo ta'u, intalli isaa Fatemeh Abbaasi ammoo hidhaa waggaa 25 argatteetti. Lamaan isaanii yeroo ammaa mana hidhaa Qezel Hesar Karaaj fi mana hidhaa Evin Tehran keessatti hidhamanii jiru.
Maddeen akka Iraan Intarnaashinaalitti akka himanitti, hidhamtoonni lamaan yeroo gaaffii fi deebii taasifamanitti dhiibbaa fi dararaa cimaan irra gaheera. Akkasumas, gaaffii fi deebii, himannaa, dhaddacha, fi gamaaggama Mana Murtii Olaanaa dabalatee sadarkaa adeemsa abbaa seerummaa hunda irratti bakka bu’ummaa seeraa akka hin arganne dhorkamaniiru.
